„Газпром“ ќе покрие повеќе од една третина од светската растечка потрошувачка на гас

Добивај вести на Viber

„Газпром“ го зголеми производството на природен гас за 15,2 отсто или за 58,8 милијарди кубни метри во текот на 10,5 месеци оваа година во споредба со истиот период во 2020 година, што ќе покрие повеќе од една третина од растечката глобална потрошувачка на гас, соопшти руската компанија.

„Повеќе од една третина од постепениот раст на потрошувачката на гас во светот ќе биде покриен со зголемувањето на производството на Гаспром. Компанијата не само што го поддржува доверливото работење на рускиот сектор за гориво и енергија, туку дава и значаен придонес во развојот на глобалниот енергетски пазар“, соопшти Газпром.

Според прелиминарните податоци, потрошувачката на природен гас во светот ќе се зголеми за 150 милијарди кубни метри, односно на вкупно 4.200 милијарди кубни метри.

Најголем раст на побарувачката е забележан во Русија, Кина и Европа, главните пазари на Газпром.

Рускиот гигант потврди и дека не планира да произведува гас од шкрилци, што, како што истакнува, има негативно влијание врз животната средина, бидејќи има докажани резерви на гас на конвенционалните наоѓалишта.

Гасот од шкрилци, кој се произведува со методот на хидраулично кршење на карпите, ќе добие статус на „контаминиран“ извор на енергија како што расте важноста на еколошката агенда, смета Гаспром.