Гастарбајтер раскажа како неговата жена ја дочекале во Германија: Ова кај нас е незамисливо!

Добивај вести на Viber

Марио Б. од едно далматинско градче е само еден во низата хрватски граѓани кои одлучиле да побараат подобар живот во Германија.

Неговата сопруга се отселила во почетокот на август бидејќи успеала да најде работа во болница во Германија, а сега Марио со децата тргнува по нејзините чекори иако во Хрватска има сигурна работа.

Објаснил зошто се одлучил на овој потег.

-Сопругата заврши медицина и специјализација и очекуваше дека нема да има проблеми да најде работа во своето место или Сплит. Бевме оптимисти се додека не сфативме дека овде за неа нема место. Една сабота седнавме, ги земавме документите, пенкало и дигитрон и ја пресметавме предноста на живот во Хрватска и во странство. Пресметката јасно покажа дека овде не можеме да оствариме што сакаме а тоа е пристоен граѓански живот“ - ја почнува приказната Марио.

По специјализацијата неговата сопруга конкурирала на 23 огласи во Хрватска, а само на два добила одговори кои биле негативни. Тогаш, како што раскажуваат, сфатиле дека без роднинско-политички врски работа нема да најде.

-Од година в година е се едното исто, „испливаш“ два месеци и потоа третиот тонеш, па е невозможно да се излезе од тој круг . Знаеме ние дека и во Германија луѓето земаат кредити за своите животни потреби, но каматните стапки се далеку пониски и платите далку повисоки од овие во Хрватска-раскажува Марио.

Му пречи тоа што во Хрватска не се почитува ни трудот, ни луѓето, не се препознаваат квалитетни луѓе кои можат и сакаат да допринесат кон заедницата.

-Овде постојано мораш да бидеш на нечија страна. Зарем морам да изберам за да најдам работа и да живеам како човек?! Овде сѐ се дели и гледа низ поделбата на „наши и ваши“, не се гледа квалитетот, а мене ми е доста од тоа-вели тој.

Раскажал интересна анегдота на својата сопруга која веќе се отселила во Германија.

Само седум дена откако дошла во својот нов германски дом, и стигнала покана од началникот на општината на неделно дружење, на кое доселениците презентирале на кој начин може да се вклучат во заедницата и како и каде можат да волонтираат. Покрај се , и се заблагодариле што се доселила во нивното место и што тука ќе плаќа данок.

-Такво нешто во Хрватска и во регионот е незамисливо-раскажал Марио.