Генерали инвестментс: Берзите се туркаат на повисоко ниво поради плимата на ликвидност

Добивај вести на Viber

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

Пандемијата продолжува да биде една од главните приказни за пазарите на капитал. Јазот меѓу земјите кои вакцинираат брзо и успешно и каде што пандемијата губи интензитет и земјите што заостануваат, а со тоа и се неуспешни во вакцинацинирањето, се шири, оставајќи силни ограничувања во јавниот живот. Првата група на земји ги вклучува САД, Велика Британија и Израел како модел. Побрзото отворање носи поголем оптимизам и подобри економски индикатори. Во Европа и Латинска Америка, каде пандемијата не губи јачина, услужниот сектор сè уште е најтешко погоден од затворањето, каде се чини дека ограничувањата не завршуваат, а вакцинацијата продолжува побавно од посакуваното, со интензивна дебата меѓу земјите. Американскиот стимул стигна до повеќето домаќинства. Вниманието сега е насочено кон инфраструктурниот дел, а минатата недела американската администрација претстави план за финансирање на инфраструктурата на САД и зелената „ренесанса“. Најзабележително ќе биде зголемувањето на даноците на претпријатијата од нивото од 21% на 28%. Ова би ја намалило заработката по акциите на компанииите во S&P за 8% во 2022 година, што секако не е вклучено во цените. Покрај тоа, американскиот министер за финансии покажува желба за минимално оданочување на глобалните корпорации. Потегот би бил добредојден, бидејќи големите корпорации имаат најмал удел од нивниот профит во форма на данок, но оваа мерка ќе се соочи со голем притисок на лобирање, така што нејзиното можно усвојување е далеку и се очекува во 2022 година. Но, и двете мерки укажуваат она што пазарот веќе го покажува некое време. Маргините на мултинационалните компании, особено во областа на технологијата, тешко дека ќе одат повисоко, што може да го забави растот на пазарите. Пазарите во развој бележат многу лош месец во март во споредба со развиените пазари, главно на штета на Кина. Во однос на профитабилноста, тие заостанаа за повеќе од 6 процентни поени. Кинеските власти продолжуваат да покажуваат желба за намалување на ликвидноста и заострување на условите за позајмување, што може да доведе до забавен раст на берзите, бидејќи инвеститорите стануваат повнимателни и со пониски очекувања. Минатата недела немаше нови смени на пазарите на обврзници. 10-годишната обврзница на САД останува на 1,7% годишен принос, додека германската 10-годишна обврзница останува на околу -0,3%. Не очекуваме големи поместувања во наредните недели, но  инфлацијата и макроекономските податоци во следните месеци ќе бидат важни за понатамошниот развој, бидејќи инвеститорите веќе започнаа да шпекулираат за можно прво зголемување на каматните стапки на крајот на 2022 година.

Пазарите на капитал се смирија по превирањата во управувањето со Archegos Capital management. Најголемата дупка беше пронајдена во „ Credit Suisse “, која изнесуваше околу 5 милијарди. Но, пазарот не беше премногу заинтересиран за ова, бидејќи технолошките компании, кои беа најуспешна индустрија во рамките на глобалниот индекс, минатата недела повторно дојдоа до израз. Технолошките компании успеаа да го истуркаат американскиот индекс S&P над нивото од 4.000 поени, што претставува нова историска пресвртница. Од другата страна на паричката, во црвената област на негативна профитабилност, беа основните потрошувачки индустрии, поради стравот од опаѓање на маргините поради зголемувањето на цените на стоките и поранешната приказна за рефлација, особено енергијата и финансиите иако и двете индустрии остануваат далеку најпрофитабилните годинава. Откривањето на деталите за американскиот инфраструктурен стимул продолжува да го зајакнува интересот за акциите на компаниите во индустријата и снабдувањето, но брз преглед на берзанските индикатори покажува дека многу позитивни вести се веќе вклучени во цените, па затоа зголемувањето не е загарантирано за сите. Задоволни сме од понатамошното зајакнување на цените на акциите на европските автомобилските компании, бидејќи индустријата е многу важна не само за европската берза, туку и за европската економија. Радува и последниот податок за продажбата за првиот квартал. Продажбата расте,  на пример Volkswagen во САД дури повеќе од 20%. Продажбата на хибриди и електрични возила расте најбрзо, каде маргините брзо се подобруваат. Сега компаниите предвидуваат дека електричните возила ќе бидат исто толку профитабилни како и оние со бензински / дизел мотори, што беше само илузија во моделите на аналитичарите пред шест месеци. Ова го зголемува негативниот притисок врз цените на нафтата, кои се стабилизираа на нешто помалку од 60 долари за барел. Се очекува дека нема да има значителни промени во следните недели. Резултатите од сезоната за 1-вата четвртина се приближуваат и традиционално видовме неколку претходни објави што позитивно нè изненадија. Сепак, не треба да извлекуваме прекумерни заклучоци, бидејќи традиционално компаниите што ќе бидат позитивно изненадување ќе бидат објавени претходно. Доларот останува на нешто помалку од 1,20 УСД за евро и не се очекуваат прекумерни поместувања во следните 2 недели. Очите ќе бидат насочени кон индикаторите за инфлација во следните недели, а евентуалното надминување на очекувањата може повторно да го зајакне рефлаторното тргување.

Совети за инвеститорите:

Развојот на пандемијата, стимулациите на владата и ликвидноста на централните банки ги обликуваат берзите и тие се туркаат на повисоко ниво поради плимата на ликвидност. Акциите на технологијата и е-трговијата и работата од дома остануваат сегменти со натпросечен раст на бизнисот, но со многу високи проценки, претпазливоста не е излишна, а инвеститорите се претпазливи. Индустријата се стабилизира и за нов раст ќе бидат потребни подобри деловни резултати. И покрај зголемувањето на приносот, обврзниците остануваат скапи, бидејќи приносите прилагодени на очекувањата за инфлација и натаму се мизерни, а заедно со негативните приноси од банкарските продукти, инвеститорите продолжуваат да бидат принудени главно да инвестираат во акции. Диверзификацијата на портфолиото е нужна. Препорачливо е да се подели портфолиото во различни класи, помеѓу акции, обврзници или пари. Можностите надвор од технолошкиот сектор остануваат привлечни поради пониските проценки, особено во сегментите на пазарот каде се очекува силна промена во деловното опкружување на подобро заради вакцините или влијанието на новите политики. Тежината во форма на индивидуални учества треба да биде претставена од индустрии кои подобро би ја преживеале оваа криза и каде проценките не се претерани. Ова главно вклучува здравствена заштита (исто така преку демографските трендови), индустрија, поради инфраструктурните стимули и грижа, како резултат на преминот кон „зелена“ енергија. Меѓу регионите, Европа се издвојува според привлечноста, а поради прекрасните дивидендни приноси и привлечните проценки, нашиот регион од Централна и Југоисточна Европа е исто така интересен за мал дел од портфолиото. Енергијата и материјалите се споменуваат како заштита од инфлација, додека проценките не се претерани во овие индустрии, но по значителниот раст во последните неколку недели, доаѓа период на консолидација. Сепак, тие сè уште остануваат како интересен зачин во портфолиото, и преку секторскиот и регионалниот пристап. Инвеститорите со долгорочни цели на заштеда треба да издржат и да продолжат со периодични плаќања, а оние кои би инвестирале поголема сума, истата потребно е да ја распределат на подолг временски период. Дигитализацијата, автоматизацијата, е-трговијата, работењето од дома, почистата енергија, водењето деловни активности во согласност со општествените норми и придржувањето кон таканаречените препораки на ESG се долгорочни трендови, a фокусирањето на долгорочните трендови историски е важна компонента на постигнување натпросечни приноси.