Генерали инвестментс: Многу веројатен е преминот кон стагфлацијата, инвестирањето е многу тешко

Добивај вести на Viber

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

Знаците кои укажуваат на ладење на американската економија, го поттикнаа растот на берзанскиот индекс изминатата недела. Во нормални околности, тоа би било контрадикторност, но моменталната состојба на глобалната економија и пазарите на капитал е специфична. Имено, пазарот ги прифати податоците за падот на продажбата на недвижности во САД на најниско ниво по јуни 2020 година и значителниот пад на индексот на менаџери за набавка (PMI) како сигнал дека веќе се постигнува решителен пристап кон затегнување на американската монетарна политика што го постигнува очекуваниот ефект од забавување на економската активност и последователно ублажување на инфлацијата. Ова ги зголеми надежите дека американската централна банка нема да мора да оди толку далеку како што изгледаше и предизвика конкретно враќање на главните берзански индекси. S&P 500 и технолошкиот Nasdaq беа во позитива 6% и 7%, соодветно на неделно ниво, но сепак се чини дека најследените индекси ќе го завршат јуни во црвено. Движењето на цените во рамките на корекција, или надолен тренд, секогаш е обележано со висока нестабилност и брзо менување на расположението кај инвеститорите. Најновите знаци на заладување на американската економија донесоа закрепнување на цените, но доколку економската активност продолжи да опаѓа со слични стапки во наредните недели, песимизмот би можел повторно да преовлада на берзите.

Откако мајските податоци за индексот PMI во еврозоната покажаа прилично силен економски раст, во јуни индексот PMI во преработувачката индустрија падна на најниско ниво во последните 22 месеци. Нагло падна и индексот на расположението на потрошувачите. Поради тоа, економскиот раст во Европа брзо се лади со високата инфлација и се појасно е дека рецесијата тешко ќе се избегне во наредните квартали. Колку тежок удар ја чека европската економија, многу ќе зависи од развојот на енергетската криза. Санкциите против Русија во областа на енергетиката во моментов не ја постигнуваат својата цел, бидејќи Русија успешно ја компензира загубата од продажбата на енергија на западниот пазар со зголемена продажба, особено во Кина и Индија. Поради оваа причина, лидерите на Г7 претставија план за воведување ограничување на цената на руската нафта на состанокот овој викенд. ЕУ и Обединетото Кралство во моментов го попречуваат увозот на руска нафта во земјите кои не воведоа санкции, со тоа што оневозможуваат осигурување на танкерите со нафта. Забраната за осигурување ќе биде укината доколку земјите увозници се согласат да купат руска нафта по однапред договорена максимална цена. На самитот на Г7, лидерите усвоија и забрана за увоз на руско злато. Од друга страна, станува се појасно дека природниот гас е моќното стратешко оружје на Путин на запад. Испораките за Европа преку гасоводи од Русија остануваат сериозно ограничени. Доколку европските складишта за гас не се наполнат до крајот на летото, се очекува нов значителен скок на цените или дури и недостиг на гас во есен и зима.

Цените на кинеските берзи продолжуваат да растат, а главните индекси веќе компензираа добар дел од падовите од почетокот на годината. Претседателот Xi Jinping на Виртуелниот форум BRICS повтори дека кинеската комунистичка партија ќе ги засили напорите за постигнување на целите за економски развој, така што за разлика од западните економии, можеме да продолжиме да очекуваме стимулирачки монетарни и фискални политики во Кина.

Успорувањето на економскиот раст и стравот од рецесија неодамна доведоа до значителен пад на цените на одредени суровини, што имаше значително влијание врз инфлацијата во последната година и пол. Цените на акциите на бакарот и другите индустриски метали се оддалечени околу 25% од врвот постигнат пред неколку месеци, а цените на дрвото се повеќе од преполовени. Цените на нафтата, исто така, благо паднаа во текот на изминатите две недели, но за 159-литарски барел американска сурова нафта WTI, сè уште треба да се платат 110 долари.

СОВЕТИ ЗА ИНВЕСТИТОРИТЕ:

Економската и политичката ситуација во светот се влошува, а пазарите се во негативен тренд. Централните банки како најважен играч во моментов ја заоструваат монетарната политика. Во борбата против зголемената инфлација, ФЕД ја зголеми основната каматна стапка за 0,75 процентни поени помеѓу 1,5 и 1,75 %. Ова е најголем пораст од ноември 1994 година. ФЕД ги зголемува каматните стапки со цел да ја задржи куповната моќ на потрошувачите. ЕЦБ, исто така, најавува прво зголемување од 0,25 процентни поени на состанокот во јули, по што ќе следи уште едно зголемување во септември. Така, за прв пат од јуни 2014 година каматната стапка ќе излезе од негативната зона. Јулското зголемување ќе биде прво зголемување на клучните каматни стапки на ЕЦБ по јули 2011 година. Сепак, заштедите сè уште се силно погодени од зголемената инфлација, која не покажува знаци на олабавување. Во тоа опкружување, каде што силно успорување на економскиот раст е факт и е многу веројатен преминот кон стагфлацијата, инвестирањето е многу тешко.

Во ваква ситуација, како што покажуваат историските податоци, најдобро е да се вложува во акции, па недвижнини, после тоа обврзници и на крај во пари или депозит. Но, бидејќи сценариото за рецесија и стагфлација не е факт и бидејќи централните банки исто така можат многу брзо да го променат правецот, потребата за диверзификација на портфолиото е најголема денес од последната криза. Комбинација од акциски фондови како што се Генерали Топ Брендови, Генерали БРИК или Генерали НОВА ЕУ и паричен фонд – Генерали Кеш Депозит, треба да бидат основа на портфолиото во вакво опкружување. Минатата година кинеските акции беа главно синоним за стрес, но приказната полека се врти. Оценките станаа поатрактивни, профилот на раст е сè уште атрактивен, а Кина, како една од ретките земји, ја ослободува монетарната политика и го преплавува пазарот на пари. Се чини дека следува период кога кинеските акции повторно ќе понудат натпросечни приноси во споредба со остатокот од светот. Дефинитивно ни претстои поразличен период од последните 10 години. Но, тоа не значи дека нема можности за инвестирање. Историјата на инвестирање покажува дека сонцето секогаш изгрева после дождот и тоа најдобро го поднесуваат оние кои се истрајни со програмираните уплати.