Generаli, одлични резултати и силна капитална позиција
Објавено во: Финансии 26 Март, 2021
Со голема флексибилност и најдобар оперативен резултат досега, Групацијата е добро позиционирана да ги постигне сите цели на „Generali 2021“ и да го подготви следниот стратешки циклус
Извршниот директор на Групацијата Generali, Philippe Donnet ги презентираше финансиските резултати за 2020 година, кои продолжуваат да ја демонстрираат отпорноста и силните страни на Generali во споредба со конкурентите во секторот, како од техничка гледна точка, така и од аспект на позицијата на капиталот и покрај сценариото кое останува многу неизвесно поради пандемијата.
Оперативниот резултат на Групацијата за 2020 година е втор последователен најдобар перформанс, и достигна 5,2 милијарди евра.
Во согласност со амбицијата да се биде Животен Партнер на сите свои засегнати страни, во критичниот момент на кризата предизвикана од Ковид-19, Generali веднаш презеде акција за поддршка на заедниците во кои работи со Extraordinary International Fund и започна да ја одбележува 190-годишнината на постоењето на компанијата, со Fenice 190 – петгодишен план за инвестиции во износ од 3,5 милијарди евра за одржливо закрепнување во Европа и поддршка на реалната економија.
Покрај тоа, постигнати се важни резултати во однос на одржливоста. Имено, Групацијата насочи 6 милијарди евра кон нови зелени и одржливи инвестиции, во периодот од 2018 до 2020 година, надминувајќи ја стратешката цел од 4,5 милијарди евра до 2021 година, една година порано. Во 2020 година, Generali имаше акумулирано над 16,9 милијарди евра премии од социјални и еколошки производи, што претставува зголемување од 11,2% во споредба со 2019 година.