Георгиевски признава дека отсекогаш кршел табуа и предлозите ги дал за да одиме напред
Објавено во: Македонија 02 Март, 2021
Поранешниот македонски премиер, Љупчо Георгиевски смета дека треба да најдеме решение за спорот со Бугарија, затоа што Македонија не треба да изгуби уште две децении.
Тој ги објасни своите ставови кои предизвикаа реакции во јавноста. Георгиевски го Отворено на Тв 24 изјави дека отсекогаш кршел табуа од деведесетите години.
„Јас дадов идејата да излеземе од овој ќорсокак во кој западнавме по ветото од Бугарија, а како што стои и работата и наредната сесија не гледам дека нешто посериозно се случува. Тоа беше една идеја да се стават старо-нови идеи на масата, некои идеи модифицирани и да тргнеме напред“, вели Георгиевски.
Георгиевски верува дека тој го направил најпатриотскиот чин во однос на Бугарија. Рече дека придавката Северна тој прв ја кажал. Неговите идеи за решавање на македонско - бугарскиот спор ги поздравија во Бугарија. Европратеникот Андреј Ковачев беше задоволен од идеите.
Но, во Македонија имаше многу реакции, па дури и барање да му се одземе државјанството и да се отвори постапка против него. Ова го предложи кумановскиот градоначалник Максим Димитриевски. Премиерот Зоран Заев кажа дека искомуницирал со Геогриевски, но и дека тоа е негов личен став. За ВМРО-ДПМНЕ преку Георгиевски власта пуштила пробен балон. Од соседна Бугарија скоро секој ден има првокации. Последно е тврдењето дека во Македонија се малтретирани луѓе кои се декларираат како Бугари.
Македонија лани не ги почна преговорите со ЕУ поради ветото од Бугарија.