ГЕРМАНЦИ ШОКИРАНИ: Излегле на сладолед во балканска земја, а неочекувано платиле 140 евра
Објавено во: Балкан 23 Јули, 2019
Семејство од Германија оваа година од хрватскиот град Задар пренесуваат лошо искуство.
Откако дошле на одмор и се сместиле, заминале во центарот на градот на сладолед, а потоа следела необична ситуација.
За непрописно паркирање добиле казна од 54 евра, потоа автомобилот им го кренал пајак, па морале да платат 47 евра. Кога сакале да подиигнат пари од банкомат, земена им е провизија од 40 евра.
Оваа случка тие ја објавиле и на Фејсбук.
„Откако буџетот ќе ви биде оштетен за 142 евра, после платена казна и провизија на банкомат, патот ве води до локална слаткарница во која конечно може да изедете по еден сладолед, но за цената и за квалитетот на сладоледот нема да зборувам, нема смисла. Доаѓање на местото на кое е паркиран автомобилот е доволна потврда дека ова е последена посета на Задар“, стои во постот.
Ова четиричлено семејство било шокирано од цените.