ГЕРМАНЦИТЕ РАЗОЧАРАНИ: Koи показатели ги загрижуваат?
Објавено во: Економија 25 Април, 2018
Според истражувањето на економскиот Институт од Минхен – „Ifo“, расположението кај германските извозници овој месец се намали.
Според претпоставките тоа значи дека, извозот од Германија постепено се враќа на нормално ниво.
Индексот кај извозните очекувања во производниот сектор падна на 15,6 поени во април, тоа е на ниво од мартовските 15,8 билансни поени, стои во соопштението на „Ifo“ институтот.
„По големиот позитивен тренд од минатиот месец, очекувањата за извоз во индустријата за текстил и облека значително се влошиja. Компаниите од металната индустрија исто така очекуваат паѓање на извозот, што е одраз на актуелните конфликти за увозните тарифи“- се нотира во соопштението.
Поголемиот број производители на електрична опрема очекуваат напредок при нивните соработувања со странските држави.
Индексот на институтот „Ifo“ се заснова врз месечните извештаи спроведени меѓу 2.300 производни компании. Од компаниите се бара да ги наведат извозните очекувања за наредните 3 месеци, а можат да ги наведат како растечки, непроменети или опаѓачки.
Во месечниот извештај за април пак „Bundesbank“ посочи дека расцутот на германската економија продолжува, иако растот на бруто домашниот производ (БДП) во првото тримесечје на 2018-та година може да е доста помалку отколку во претходните квартали.
Сојузниот завод за статистика планира да ја објави својата прва проценка на растот на БДП-то за првиот квартал на 15-ти мај.