Германија ќе ги затвори границите за мигрантите?
Објавено во: Свет 12 Февруари, 2019
Наследничката на Ангела Меркел и претседателка на Христијанско-демократска унија (ЦДУ), Анегрет Крамп-Каренбауер, во случај на нов бран бегалци не би постапила како својата претходничка, туку како последно решение би ги затворила границите, објави денеска германскиот јавен радиодифузен сервис АРД.
„Последно средство, во случај другите механизми да потфрлат, се разбира, е затворањето на границите. Ние од минатата година, кога канцеларката постигна договор со европските партнери, имаме поинаква ситуација“, изјави Крамп-Каренбауер.
Таа повика на изготвување на мигрантска политика која нема да му наштети на европското единство.
Крамп-Каренбауер вели дека темата за бегалската политика на ЦДУ е траума за која мора да се разговара.
Раководството на ЦДУ деновиве дискутираше за контроверзните бегалски политики на Меркел, која кон крајот на летото во 2015 година ги отвори границите и во Германија пушти повеќе од еден милион бегалци, главно од Сирија, пренесува агенцијата „Хина“.
Наследничката на Меркел вели дека тие веќе ја научиле лекцијата.
Крамп-Каренбауер во декември лани го превзеде лидерството на ЦДУ од Ангела Меркел, и ќе остане на местото канцелар на Германија до 2022-ра година.