Германија на големо враќа македонски азиланти со чартер-летови
Објавено во: Македонија 10 Декември, 2018
По првите три квартали од годинава Германија со чартер-летови вратила 823 македонски државјани-баратели на азил во нивната матична земја, објави СДК, повикувајќи се на податоци од МВР.
Во Германија неодамна стапи во сила правило според кое на барателите на азил им се нуди 1.000 евра помош по лице, односно 3.000 за семејство и враќање со чартер-лет само за да се намали „наездата“ од голем број на азиланти.
За разлика од Германија, македонски државјани во многу помал број чекаат во другите земји, па така од Исланд биле вратени 19 лица и од Шведска вкупно 11 лица, а од другите земји уште помалку. Тие се враќаат со редовни авио-линии.