Гевгелија рекордер по наврнат дожд, еве каде најмногу врнеше...
Објавено во: Македонија 16 Јули, 2017
Гевгелија денеска е рекордер по наврнат дожд.
Во градот паднаа 31 литар дожд на метар квадратен, а најмалку дожд наврна во Маврово, само еден литар на метар квадратен.
Според податоците од Управата за хидрометеролошки работи освен Гевгелија до 16 часот најмногу дожд паднал во Берово и Тополчани 14 л/м2, по што следуваат Претор со 13, Струмица со 12, Битола и Демир Капија по 10, Штип и Крива Паланка по 8, Охрид 7, Скопје 5, Пожаране, Скопје Петровец и Тетово 4, додека во Ѓуриште и Виница наврнале три литри дожд на метар квадратен.
Најстудено денеска е во Тополчани каде се измерени 12 степени, по што следуваат Лазарополе со 13, Ѓуриште со 14, Маврово и Берово со 16, Прилеп и Крива Паланка со 18, Пожаране со 19, Демир Капија, Битола, Штип и Скопје со 20 степени, Струмица 21, Охрид и Гевгелија 22 и Тетово 23 степени. Максимална температура од 24 степени е измерена во Виница.
Дожд во Македонија ќе има и утре претпладне.