20 Јануари, 2019
0.5456
    ALK 8300.96    -1.19%     GRNT 825    -1.05%     KJUBI 1543    -2.96%     KMB 5320    -0.58%     MPT 50000    -0.09%     MTUR 5050    -0.98%     OHB 6599.5    -0.01%     OKTA 4500    0%     RZLV 73    2.82%     STB 1244.42    -1.55%     STIL 118    -7.09%     TEL 302    0%     TNB 14989.86    -0.01%     UNI 2145    2.97%

ГИ ПРЕПЛАЌАМЕ НОВИТЕ АВТОПАТИ? Компаниите што ги градат се најпрофитабилни во земјава

Објавено во: Економија 20 Мај, 2018

Компаниите што се занимаваат со изградба на патишта и автопати биле најпрофитабилни во земјава во 2017 година. Според податоците добиени од Управата за јавни приходи, овие трговски друштва со остварена добивка од 83 милиони евра го заземаат првото место на топ- 10 листата на стопански дејности по висината на пријавената добивка за оданочување. На второ место со остварена добивка од 71 милион евра се наоѓаат компаниите од дејноста изградба на станбени и нестанбени згради.

Овие информации од најрелевантната даночна институција повторно фрлаат светло на прашањето дали плаќаме реална цена за изграбата на новите автопати, Демир Капија- Смоквица, Миладиновци- Штип и Кичево- Охрид или ги преплаќаме. Македонските даночни обврзници заслужуваат одговор како и зошто најпрофитабилни компании во земјава се оние кои работата ја добиле на јавни тендери, на кои државата треба да се труди да добие најниска можна понуда за соодветен квалитет. Секоја компанија работи за профит, тоа не е спорно. Но, во овој случај треба да се испита зошто на овие компании, кои ги плаќаме сите ние од државниот буџет, им е даден толкава маргина помеѓу остварените приходи и трошоци и со тоа овој сектор да биде со најголема пријавена добивка во минатата година.

Во јавноста веќе имаше коментари дека на компаниите кои ги градат, кинеската „Синохидро“ и грчки „Актор“ со нивните подизведувачи „Гранит“, „Бетон“, „Трансмет“ и „Илинден“, им се плаќа преголема цена по километар автопат. Делницата од Демир Капија до Смоквица, која во април беше пуштена во употреба, со должина од 28 километри ја чини земјава околу 270 милиони евра, а нејзината изградба ја следеа финансиски скандали кои резултираа со истраги во Грција и во Македонија. Грчкото обвинителство лани отвори постапката против „Актор“ за перење пари во висина од 50 милиони евра при изградбата на овој автопат врз основа на спроведената истрага од Европската канцеларија за борба против измами- ОЛАФ. Во земјава, СЈО сомничи десет физички и четири правни лица, меѓу кои поранешниот премиер Никола Груевски, дека ја фаворизирале грчката фирма на објавениот меѓународен тендер, и покрај тоа што италијанската компанија „Тото“ доставила најповолна понуда за изградба на автопатот. СЈО, исто така, отвори постапка и за перење пари при изградбата на делницата.

Другите два автопати ги гради „Синохидро“, се финансираат со кинески кредит во износ од 580 милиони евра, но сите рокови за нивно завршување се веќе пробиени. Делницата Миладиновци- Штип е долга 47 километри и првично чинеше 206 милиони евра, но со време цената порасна за нови 20 милиони евра. Автопатот Кичево- Охрид е во должина од 57 километри, а според договорот требаше да чини 373 милиони евра, но по откриените бројни нерегуларности во проектот и нерешени имотно правни односи се предвидува дека ќе поскапе за најмалку 100 милиони евра.

Инаку, според остварената добивка во 2017 година, на листата на УЈП понатаму следат секторите: товарен патен транспорт, вадење на други руди на обоени метали, трговија на мало во неспецијализирани продавници претежно со храна пијалаци и тутун, неспецијализирана трговија на големо, дистрибуција на електрична енергија, дејности на безжични текомуникации, производство на електрична енергија и производство на цемент.

(М.Б.)


Можеби ќе ве интересира

ФАКТОР НАЈАВУВА: Ексклузивно вкрстено интервју со Анѓушев и Азески

ФАКТОР НАЈАВУВА: Ексклузивно вкрстено интервју со Анѓушев и Азески

Тевдовски: Влезот во НАТО ќе биде катализатор на економскиот раст

Тевдовски: Влезот во НАТО ќе биде катализатор на економскиот раст

Сиромаштијата „не изеде“: Половина милион вработени Македонци живеат со минимални приходи

Сиромаштијата „не изеде“: Половина милион вработени Македонци живеат со минимални приходи

И делчевските тезги полупразни: Пазарџиите не знаат како ќе преживеат ако не се повлече законот

И делчевските тезги полупразни: Пазарџиите не знаат како ќе преживеат ако не се повлече законот

Само во продавниците во Косово: До цената на производот и знамето од земјата на потекло

Само во продавниците во Косово: До цената на производот и знамето од земјата на потекло

Министерството за финансии ангажира нов кадар за „Мини фини буџетчиња“, ќе има и медицинска сестра

Министерството за финансии ангажира нов кадар за „Мини фини буџетчиња“, ќе има и медицинска сестра

Власта се повлече од законот за пазарџиите, ќе се работи на нов

Власта се повлече од законот за пазарџиите, ќе се работи на нов

Анѓушев: Сите избори негативно влијаат врз економијата

Анѓушев: Сите избори негативно влијаат врз економијата

Тевдовски: „Фич“ ги потврди успешно спроведените фискални реформи

Тевдовски: „Фич“ ги потврди успешно спроведените фискални реформи