21 Септември, 2019
0.0171

Ги тресе политичка криза, но за две недели продадоа 14 тони злато

Објавено во: Економија 18 Мај, 2019

Земјата која е во длабока политичка криза, Венецуела за две седмици продала скоро 14 тони злато за повеќе од половина милијарда долари. 

Во текот на двете изминати седмици властите продале 13,7 тони злато во вредност од 570 милиони американски долари, и покрај наметнатите санкции од САД, пишува во петокот агенцијата Bloomberg, повикувајќи се на сопствени извори.

Властите во Каракас продале околу 9,7 тони злато на 10-ти мај и околу 4 тони на 13-ти мај. Но, не се знае кои земји ги откупиле венецуелските златни резерви.

Од почетокот на април, Венецуела продала околу 23 тони злато. Златните резерви на Централната банка на Боливарската Република сега изнесуваат 7,9 милијарди долари. Како што истакнува агенцијата, станува збор за најниското ниво во последните 29 години. Еден од неименуваните соговорници на Bloomberg нагласил дека средствата од продаденото злато делумно ќе бидат искористени за финансирање на увозот преку секторот за надворешна трговија на Венецуела.

Од 1-ви ноември 2018 година американскиот претседател Доналд Трамп потпиша указ за воведување санкции со цел да ги блокира операциите на Венецуела, меѓу другото, и со резервите од злато. Вашингтон има намера да ја спречи владата на левичарскиот претседател Николас Мадуро „да го ограби богатството“ на земјата, изјавија тогаш од Белата куќа.

Венецуелскиот опозициски лидер Хуан Гваидо објасни дека тековните средби меѓу неговите претставници и претставниците на претседателот Николас Мадуро во Осло не се преговори, туку обид да се седне на преговарачката маса, пренесува „Ел Насионал“.

„Ова не е во никој случај не се преговори. Ова се обидите на Норвешка да дејствува како посредник и траат со месеци”, вели Гваидо.

Лидерот на опозицијата потсети дека ова е вторпат Норвешка ги покани страните во судирот во Венецуела да седнат на преговарачката маса во Осло.

Гваидо, кој беше прогласен за привремен претседател во јануари, веднаш беше поддржан од САД и нивните сојузници во Европа, како и поголемиот дел од јужноамериканските држави. Земјите како Кина, Русија, Иран, Мексико и Турција продолжуваат да го признаваат Николас Мадуро како легитимен лидер на земјата. 

Можеби ќе ве интересира

13 милиони евра од ЕБОР за побрз и полесен транспорт

13 милиони евра од ЕБОР за побрз и полесен транспорт

Ова се топ пет професии со највисоки плати во земјава

Ова се топ пет професии со највисоки плати во земјава

СТАТИСТИКАТА ПОКАЖА: Се зголемила просечната плата во Македонија

СТАТИСТИКАТА ПОКАЖА: Се зголемила просечната плата во Македонија

Почитувањето на човековите права е обврска на државата и на сите сопственици на бизниси, менаџери(-ки) и вработени

Почитувањето на човековите права е обврска на државата и на сите сопственици на бизниси, менаџери(-ки) и вработени

Анѓушев: Се чека согласност на сите за минималната плата

Анѓушев: Се чека согласност на сите за минималната плата

ЌЕ ВАЖИ ЗА ЖЕНИ СО 60 И МАЖИ СО 62 ГОДИНИ: Ќе работат по 6 часа

ЌЕ ВАЖИ ЗА ЖЕНИ СО 60 И МАЖИ СО 62 ГОДИНИ: Ќе работат по 6 часа

Арцелор Митал стана дел од Либерти Стил на моќната ГФГ Алијансата

Арцелор Митал стана дел од Либерти Стил на моќната ГФГ Алијансата

Фондот за иновации првично одреди на кои 30 апликанти ќе им даде 5 милиони евра

Фондот за иновации првично одреди на кои 30 апликанти ќе им даде 5 милиони евра

Тиквеш: На „тимбилдинг“ одат сите вработени, секој да изгради поцврста врска со производот

Тиквеш: На „тимбилдинг“ одат сите вработени, секој да изгради поцврста врска со производот