16 Јули, 2019
0.0183

ГИС обука за агро-еколошко зонирање на земјоделското производство

Објавено во: Мои пари 23 Април, 2019

Денеска ФАО во рамки на проектот за агро-еколошко зонирање на земјоделското производство одржува обука за географски информациски системи (ГИС) наменета заклучните институционални чинители во агро-еколошките пракси и политики.

Оваа обука е прва од серијата обуки во рамки на проектот чијшто цел е да се зајакне институционалниот и техничкиот капацитет на Министерството за земјоделство, шумарство и водостопанство (МЗШВ) и релевантните институции за следење и анализа на системите за земјоделско производство,  развој на Национално агро-еколошко зонирање и Систем за управување со информациите за земјишни ресурси. Учесници на обуката се релевантни сектори од МЗШВ, претставници од Агенцијата за финансиска поддршка во земјоделството и руралниот развој, Државниот инспекторат за земјоделство, Агенцијата за поддршка на развојот на земјоделството, Државниот завод за статистика, како и Факултетот за земјоделски науки и храна.  Експерти на ФАО ќе ги презентираат основните концепти во примена на ГИС и други информациски системи во земјоделството и современата агро-екологија, како и во развојот на агро-еколошки зони.

Главната цел на проектот за агро-еколошко зонирање, кој почна да се спроведува на почетокот на 2018 година е да овозможи точни информации за подобноста за одгледување на одредени земјоделски култури и сорти во дадени производни реони согласно почвено – климатските услови. Тоа ќе придонесе да се подобри земјоделското производство преку добро информирани инвестиции, да се зголеми адаптивниот капацитет кон климатските промени,  да се подобри информирањето за земјоделските анализи и политики, што позитивно ќе влијае на продуктивноста и профитабилноста на земјоделското производство.

Во изминатиот период ФАО и МЗШВ во соработка со Управата за хидрометеоролошки работи изготвија просторна презентација на климатски податоци во форма на карти за температура, дождови, евапотранспирација на ниво на цела држава. Во моментот се изготвуваат првите пилот агро-климатски зони кои претставуваат области со одредени агро-климатски карактеристики, кои заедно со почвените информации ќе бидат основа за изготвување на агро-еколошки зони.  Сето ова ќе биде од значителна корист за диверзификација и зголемена продуктивност на културите и одржливо земјоделско производство. Агро-еколошките зони ќе помогнат да се подобри ефикасноста и потенцијалот на земјоделското производство, а креаторите на политики ќе можат да ги користат информациите за креирање на оптимални земјоделски политики во корист на земјоделците.

ФАО се очекува да ја претстави мапата на агро-еколошки зони за Северна Македонија до крајот на 2019 година.


Можеби ќе ве интересира

Утре реконструкција на мрежа

Утре реконструкција на мрежа

Стартап Македонија ја лансираше првата дигитална платформа на која сите стартапи ќе се видливи

Стартап Македонија ја лансираше првата дигитална платформа на која сите стартапи ќе се видливи

Huawei го претстави извештајот за одржлив развој за 2018 година со фокус на дигиталната инклузија

Huawei го претстави извештајот за одржлив развој за 2018 година со фокус на дигиталната инклузија

Дополнителни 800 милиони евра за мали и средни претпријатија – ЕИФ и ПроКредит Банка ја дуплираат поддршката за иновативните компании

Дополнителни 800 милиони евра за мали и средни претпријатија – ЕИФ и ПроКредит Банка ја дуплираат поддршката за иновативните компании

Сава пензија плус одбележува 10 години доброволно пензиско осигурување во Македонија

Сава пензија плус одбележува 10 години доброволно пензиско осигурување во Македонија

ЕКО СКУТЕР – НОВ ИНСТАНТ ЛОЗ НА ДРЖАВНА ЛОТАРИЈА

ЕКО СКУТЕР – НОВ ИНСТАНТ ЛОЗ НА ДРЖАВНА ЛОТАРИЈА

ЕВН ја поддржа кампањата за заштита од пожари

ЕВН ја поддржа кампањата за заштита од пожари

Летна кампања на РСБСП: „ Оваа лето, безбедноста на прво место! “

Летна кампања на РСБСП: „ Оваа лето, безбедноста на прво место! “

Новата ŠKODA SCALA доби 5 ѕвезди за безбедност од Euro NCAP

Новата ŠKODA SCALA доби 5 ѕвезди за безбедност од Euro NCAP