Ѓоковиќ ќе треба да чека за првото злато: Тажна, но исправна одлука
Објавено во: Свет 25 Март, 2020
Најдобриот светски тенисер Новак Ѓоковиќ објави дека е тажен што Олимпијадата во Токио е одложена, но верува дека тоа е вистинската одлука.
Олимписките игри во Токио беа дефинитивно одложени до 2021 година, откако Меѓународниот олимписки комитет (МОК) го прифати предлогот на јапонскиот премиер Шинзо Абе за одложување на Игрите.
Популарниот Ноле на социјалните мрежи наедно и сподели фотографија на која држи патики со кои требало да игра во Токио.
"Оваа фотографија е направена минатата година во Јапонија. Јас сум тажен што Олимписките игри се одложени, но сигурен сум дека тоа е вистинската одлука, бидејќи се работи за колективното здравје на сите учесници. Едвај ги чекам Игрите во Токио во 2021 година", напиша најдобриот тенисер на светот.
Тој минатата година играше на турнирот во Токио и ја освои титулата. Златото за Србија на Олимписките игри е негова голема желба, бидејќи досега само го освои бронзениот медал освоен во Пекинг во 2008 година.
Во Лондон во 2012 година, тој загуби во полуфиналето од Енди Мари и потоа пд Хуан Мартин Дел Потро во мечот за бронза. Беше елиминиран на стартот пред четири години во Рио, исто така од Аргентинецот.