29 Март, 2024
0.0315

Ѓорче Петров ќе биде осветлен за милион денари месечно

Објавено во: Економија 22 Октомври, 2019

Добивај вести на Viber

Ѓорче Петров ја започна постапката за доделување на договор за јавно приватно партнерство за модернизација на системот за јавно осветлување, преку негово финансирање, реконструкција, управување, одржување и развој, нешто што претставуваше децениски проблем за оваа скопска општина а сега треба да се реши по пат на овој модел.

Локалната самоуправа за најповолна понуда ја одбра онаа на турскиот конзорциум Џемдаг, кој ќе треба да изврши замена на постојните 2887 светилки во првите 6 шест месеци со енергетски ефикасни ЛЕД светилки со три типови на моќност и истите да ги одржува. Времетраењето на договорот за јавно-приватно партнерство е 12 години. Вкупниот надоместок во период од 12 години што општина Ѓорче Петров ќе го исплати на приватниот партнер врз основа на најниско доствената прифатлива понуда е 142.781.000 денари распоредено на 144 месеци, што значи дека операторот има обезбедено безмалку еден милион денари месечно однапред за себе. Реализацијата на договорот ќе го следи тричлена комисија.

Крајната цел е да се намали потрошувачката на електрична енергија, при што вкупно инсталираната моќност на светилките да биде помала од 160 киловати. Конзорциумот ќе треба да управува и да врши мониторинг на системот во првата година од потпишување на договорот, а понатаму треба да постави и дополнителни 983 светлосни арматури на свој трошок. Единствено, столбовите ќе бидат поставени од општината. Операторот е должен да воспостави систем 48 часа и call центар, како и одржување на светиликите. Тука влегува и проектирање (дизајнирање)на развојните годишни програми за јавно осветлување со проширување на мрежата.

- Според договорот, за месец дена операторот треба да достави динамички план кој че биде одобрен од страна на комисијата за следење на договорот за јавно-приватно партнерство. По усвојувањето, ќе се започне со работа. Во меќувреме нарачани се светилките од производителот, најавуваат од службата за информации на општината на прашањето на „Фактор“ до каде е реализацијата на договорот.

Советот на општината во февруари годинава го усвои извештајот од анализата на општината, која избра консултант што ќе изработи Физибилити студија за оправданост од воспоставување на ваков договор по што градоначалникот Александар Наумовски формира Комисија за спроведување на постапката, која потоа ги разгледа сите сугестии и забелешки од потенцијалните економски оператори, при што дел од истите ги прифати и ги вгради во тендерската документација. 

Тендерот за договор за воспоставуање на Јавно-приватно партнерство за модернизација на системот за јавно осветлување беше објавен во јули, а месец дена подоцна на денот закажан за отварање на понудите пристигна една понуда. По извршената евалуција на понудата беше решено дека понудата е во рамките на предвидените финансиски средства и дека ги задоволува сите предвидени услови и критериуми.

Со оглед на тоа што беше доставена само една една понуда не беше спроведена електронска аукција со конечна цена на понудата од142.7 милиони денари.

А.К.


Можеби ќе ве интересира

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ДУИ со експанзија во угостителството

ДУИ со експанзија во угостителството

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“