Ѓоре Петрески продолжува да пали во Ореше
Објавено во: Македонија 25 Октомври, 2020
Поранешниот гастарбајтер, Ѓоре Петрески, познат во јавноста уште како и нарачател на контроверзното убиство на Лазо Милошевски пред 15 години, продолжува да подметнува пожар во селото Ореше.
Вчера полицијата соопшти дека Ѓ.П. е уапсен оти подметнал пожар во автомобил „опел зафира3 на соселанец. Ова не е прв случај на потпалување за кое се товари Петрески, кој вчера пак е приведен. Тој и пред 15 години во селото е уапсен оти подметнал пожар во автомобил на соселанец
Петрески пред шест години беше осуден на четири години затвор за палење на продавница и амбуланта во селото. За овој случај сведочеше Златко Арсовски - Бреза, а потоа на таткото на неговата сопруга во март 2015 му беше запален автомобилот „мерцедес“ и продавницата.
Петрески инаку беше осуден како нарачател на убиството на Милошевски кој беше убиен на 2 декември 2005 година додека во неговата куќа подготвувал вечера. Според обвинението убиството било извршено заради одмазда по нарачка на Петровски, кој од 1997 година живеел на Флорида, САД. Тој за 20 илјади долари побарал од браќата Ордан и Љупчо Ѓоргиевски од Скопје да го убијат Милошевски, бидејќи во 1995 Петровски бил застрелан во глава но преживеал.