Ѓоргиев вели дека Бугарија во македонската историја гледа закана
Објавено во: Македонија 18 Септември, 2020
Ванчо Ѓоргиев, член на мешовитата комисија со Бугарија во интервју за Алфа вечерва изјави дека револуционерот Гоце Делчев не е единственото прашање кое и пречи на соседна Бугарија.
Вели дека има и друга низа прашања во однос на македонската историја.
„Гоце Делчев не е единственото прашање, туку станува збор за една комплетна стратегија од страна на Бугарија во контекст на историското минато. Но, тоа не е само за историското минато туку тоа повлекува и сериозни политички импликации“, рече Ѓоргиев.
Ѓоргиев додаде дека Бугарија во македонската историја гледа закана.