Гласањето заврши, ќе има нов претседател на Македонија
Објавено во: Македонија 05 Мај, 2019
Гласањето во 19.00 часот денеска е завршено со постигната потребната излезност во вториот круг за да се избере нов претседател на Македонија.
Претседателот на Државната изборна комисија Оливер Дерковски објави дека од преброените гласови до 18.30 часот имало 44,5 отсто излезност.
Тоа значи дека потребниот цензус од 40 проценти е надминат.
- Изборите завршија во мирна и достоинствена атмосфера без поголеми инциденти. Очекува процентот на излезност да се зголеми за уште некој процент од она што не е преброено од последниот половина час додека течеа изборите - рече Дерковски.