Главниот инфектолог од Атина побара од владата да им забрани на Грците да патуваат во Македонија иако „таму било поевтино“
Објавено во: Балкан 15 Јули, 2020
Мариос Лазанас, раководителот на интерна медицина за инфективни заболувања и патничка медицина во Клиничката болница во Атина, ја повика грчката влада да им забрани на Грците да патуваат во Северна Македонија, иако таму, како што вели тој, е поевтино за купување.
Tој како гостин во студиото на грчката телевизија „Скај“ ја истакна потребата државата да преземе мерки за ограничување на движењето на северните граници на земјата за да не ескалира епидемијата.
"Другото прашање што постои со северната граница е движењето на Грците. Мора да престанеме да одиме во Северна Македонија, Бугарија за да купуваме поевтино. Ова мора да заврши. Грчката држава мора да преземе некои мерки и да ги забрани или ограничи овие движења". рече специјалистот за заразни болести.
Лазанас ја истакна и потребата да се направи скрининг кај работниците од Албанија кои имаат работна дозвола да работат во Грција.