Го осудиле во Македонија, сега е градоначалник во соседна земја
Објавено во: Балкан 16 Септември, 2019
Тирана проверува дали албански градоначалник бил уапсен и осудуван во Македонија.
Откако опозициската Демократска партија достави барање за ова прашање, и тврди дека новиот градоначалникот на општина Вау те Дејес, Марк Бабани, има криминално досие, јавното обвинителство во Тирана почна постапка за проверка на изнесените обвинувања.
Опозициските демократи тврдат дека поседуваат веродостојни докази дека во периодот 2002/2003 бил уапсен и осуден во Северна Македонија, додека претходно во периодот 1994-1999 година бил осуден во Италија и протеран и оти користел три различни идентитети.
Официјален допис е доставен до властите во земјава и Италија со кој се бараат информации за градоначалникот Бабани, додека одделението за декриминализација при обвинителството побарало од него отпечатоци од прстите во соодветниот полициски сектор.
„Имам 52 години и до сега не сум бил казнуван нити за сообрајќаен прекршок. Доколку некој најде и една запирка ќе му бидам благодарен“, изјави Бабани.
Ова е трет новоизбран градоначалник од редовите на владејачката Социјалистичка партија за кого Обвинителството бара информации од друга земја.