Го поканила Путин на свадба, сега од неа се бара оставка

Добивај вести на Viber

Најавеното доаѓање на рускиот претседател, Владимир Путин на свадба кај министерката за надворешни работи,  Карин Кнајсел наиде на критика на пратеникот од Зелените во Европскиот парламент,  Мишел Рејмон и Украина.

Рејмон побара оставка од министерката Канјсел, затоа што го повикала Путин на својата свадба, не уважувајќи го објаснувањето дека свадбата е приватна работа, и дека Путин на неа ќе биде приватно.

„Тиранинот никогаш не е „приватен“- вели тој.

Рејмон додава дека австриската влада во ЕУ ја сметаат за продолжена рака на рускиот режим во Унијата и дека министерката со поканата на шефот на руската држава ја загрозува репутацијата на земјата.

Критиката стигна и од Украина, каде што претседавачката со надворешно политички одбор на парламентот Хана Хопко на Твитер напиша дека Австрија „од денес не може да биде повеќе посредник во Украина“.

Таа, во пораката истакна дека свадбената покана за Путин, иако се работи за приватна прослава, таа земја не може повеќе да се смета за неутрална.

На Фејсбук напиша дека шефицата на австриската дипломатија „им задала јасен шамар на европските вредности“.

Министерството за надворешни работи на Австрија порача дека се работи за приватна прослава и лична посета, на основа на која не се менуваат надворешно-политичкото позиционирање на Австрија.