Го преживеала коронавирусот, а потоа добила вртоглави сметки од болницата
Објавено во: Свет 16 Јуни, 2020
Џенет Мендез започна да добива сметки набргу откако се врати во април во домот на нејзината мајка од болницата Mount Sinai Morningside hospital, откако се излечила од коронавирусот.
Прво, добила сметка од 31.165 долари, пишува Њујорк Тајмс.
Не можела да работи и решила да се фокусира на своето закрепнување.
Следното било невозможно да се игнорира, откако добила фактура за 401.885,57 долари, иако болницата ќе ја намали сметката на 326.851,63 долари како „придобивка од финансиска помош“.
Мендез е оптимист дека нејзината осигурителна компанија ќе покрие голем дел од трошоците, но само откако ќе прими серија вознемирувачки телефонски повици од болницата за да плати.
Портпаролот на болницата изјавил за „Тајмс“ дека Мендез по грешка добила сметка што требала да се упати директно во нејзината осигурителна компанија или до владата. Пациентите со коронавирус, преку низа федерални пакети за помош, треба да бидат во голема мерка ослободени од плаќање за најголемиот дел од негата која ја добиваат.
Но, веројатно ќе се појават грешки, особено ако се има в предвид бројот на луѓе кои неодамна го загубија здравственото осигурување во услови на економски пад и губењето на работни места. И кога ќе се случат, пациентите како Мендез ќе бидат оние кои мораат да го решат комплицираниот процес на наплата во време кога сè уште се опоравуваат од Ковид-19.