ГОЛЕМ ДЕФЕКТ: Нема вода на повеќе улици во Тафталиџе и Козле, Водовод на терен
Објавено во: Македонија 09 Јануари, 2022
Екипите на ЈП Водовод и канализација – Скопје од утринските часови се на терен и работат на отстранување на дефектот на цевка со дијаметар 400мм на улицата Теодосиј Гологанов, односно на раскрсницата со улица Анкарска, соопштија од Водовод и канализација.
„Имајќи ја предвид големината на дефектот, со прекинато водоснабдување се корисниците од следните улици - Митрополит Теодосиј Гологанов, Анкарска, Атинска, Њуделхиска, Бахар Моис Римска, Панче Пешев, Наум Евро и дел од Борка Талевски, а со намален притисок се корисниците од населбата Козле, стои во соопштението.
Додаваат дека екипите работат на побрзо oтстранување на дефектот и ќе останат на терен до целосно завршување.
„Се работи за деликатен дефект, на поголема длабочина, каде парче од цевката е целосно откинато од истата, се додава во соопштението.