Голем еколошки проблем во Струга депонијата гори, а решение нема
Објавено во: Македонија 15 Јуни, 2017
Стружани се револтирани што се уште нема никакво решение за депонијата која долг период претставува огромен проблем за животната средина, а сега со нејзиното горење се заканува голема еколошка катастрофа.
„Страшна ситуација немам зборови, многу емотивно сум потресен.Опасностите се огромни ние не сме свесни, не сме медицински лица, не ја познаваме вистинската опасност од депонијава, од чадот меѓутоа секој ден откриваме дека сме подложни на рак„, рече меѓу другото Јованчо Угреновиќ од граѓанската иницијатива ,Доста е”.
Вчера во Струга беа повеќе министри од владата меѓу кои и екс градоначалникот Рамиз Мерко со ветување дека ќе се најде решение во наредните денови. Граѓаните најавуваат големи протести и блокади доколку власта не им помогне.