ГОЛЕМА НАДЕЖ: Новартис ќе почне да произведува вакцина против коронавирусот овој месец
Објавено во: Свет 31 Мај, 2020
Швајцарскиот производител на лекови Новартис овој месец ќе започне со производство на генетска вакцина против коронавирус откако претходно склучи договор со истражувачите од Масачусетс.
AveXis, одделот за генска терапија на Новартис, се согласи да ја произведе вакцината што ја развија Очната и Ушна клиника од Масчусетс и Општа болница во Масачусетс. Производството ќе започне за време за клиничките испитувања кои се предвидени да почнат во втората половина на оваа година, се вели во соопштението кое беше објавено во четвртокот.
Истражувачите сметаат дека AveXis е силен партнер затоа што веќе има повеќе од 1 милион квадратни метри производствен капацитет како производител на ген-терапијата Zolgensma, еден од само два лека од ваков вид достапен во САД.
„Ние сме расположени да му помогнеме на тимот да се движи напред забрзано во овој напор, рече претседателот на AveXis, Дејв Ленон во изјавата.
Договорот го става Новартис во глобалната трка за производство на вакцина за Ковид-19 која веќе привлече фармацевтски и биотехнички фирми а меѓу нив се АстраЗенека, Модерна, Мерцк и Новавакс. Започнати се клиничките проценки за 10 потенцијални вакцини и повеќе од 100 други се во претклинични фази.
Вакцината во Масачусетс користи вектор на адено-поврзан вирус, или ААВ - еден вид вирус што не предизвикува болест - за да достави генетски код за производство на „протеински фрагменти“ од новиот коронавирус и да предизвика имунолошки одговор, според истражувачите.
Лекот AveXis Zolgensma - кој стана најскапиот лек во светот со цена од 2,1 милиони американски долари исто така користи вектор AAV.
„Со партнерство со лидерот во индустријата AveXis кој веќе произведува производи со генска терапија ААВ во големи размери, ние сме подобар пат од кога и да е, да ја постигнеме нашата цел а тоа е развој на вакцина способна за широка дистрибуција за да се спречи инфекција на ниво на популација“, рече Лук Х Ванденберг, директор на Центарот за генска терапија во Очната и ушна болница во Масачусетс.