ГОЛЕМИТЕ СИНЏИРИ МАРКЕТИ ЗАРАБОТИЈА КАЗНИ ОД ВКУПНО 82 ИЛЈАДИ ЕВРА ОД АХВ - нехигиенски држеле и продавале месо, а имало и со поминат рок
Објавено во: Македонија 13 Февруари, 2025 13:35
Инспекциските служби на Агенција за храна и ветеринарство (АХВ), неделава (10-12.02.2025 година), на целата територија во државава, спровеле 124 вонредни контроли кај големите маркети кои имаат синџири на супермаркети, дисконти и хипер маркети.
Целта на контролите била проверка дали операторите се регистрирани во АХВ за сите дејности и активности во секој од објектите, дали и колку се исполнети општите и посебните хигиенски услови за храна, со акцент на спроведување на контроли во деликатес одделите и месарниците, како и во месарниците кои изработуваат свежи подготовки од месо.
Покрај ова се контролирала и исполнетоста на процедурите за чистење и дезинфекција на опремата, приборот за работа и спречување на вкрстена контаминација, снабдувањето со безбедна вода, поседувањето на санитарни книшки и сертификати за стручна подготовка на вработените лица кај операторите, чувањето и складирањето на храната, нејзиното потекло, следливоста (проверка на комерцијалните документи), како и почитувањето на температурниот режим за храната од нејзиниот прием до ладилник. Контролирано било и водењето на записи за НАССР и Добра производствена и Добра хигиенска пракса, означувањето на храната, плановите за сопствено мострирање на операторите, спроведувањето на операциите за пакување/препакување, дезинфекција, контрола на штетници, а со вонредните контроли опфатени биле и магацините на операторите.
„Донесени се 47 решенија за утврдени недоследности, изречени се 29 парични казни во вкупна вредност од 82 илјади евра во денарска противвредност. Кај 15 оператори утврдени се незадоволителни хигиенски и технички услови во објектот, кај 12 најдена е храна со поминат рок на употреба, а кај 5 храна без следливост, со оштетена амбалажа, недекларирана и сл. Тројца од контролираните оператори не извршиле задолжителни здравствени прегледи за вработените, 10 не воделе записи за HACCP, добра хигиенска и добра производствена пракса. Кај 4 оператори најдени се несоодветно означени производи, а еден објект не бил регистриран. Нештетно се уништени 22,3 тони небезбедна храна, од кои најголем дел месо“, се вели во соопштението од Агенцијата за храна и ветеринарство.
Можеби ќе ве интересира
„КОГА ЌЕ РЕЧЕШ: КРАДАТ АМА ГРАДАТ, ГО ОТВАРАШ ПАТОТ ЗА ТРАГЕДИЈАТА ВО КОЧАНИ“: професорката Најчевска остро 'до нас е и од нас зависи'
БЕКТЕШИ И ТРАЈКОВСКИ ДОБИЈА КРАТКОТРАЕН ПРИТВОР - судијата одреди 48 часа притвор за уште 12 други лица
„НЕМОЈТЕ ПРЕС КОНФЕРЕНЦИИ НАД ПАЦИЕНТИ СО ТЕШКИ ИЗГОРЕНИЦИ“: Д-р Лазаров за Вучиќ вели дека е благодарен, но апелираше да нема гужви каде што се сместени
СПЕЦИЈАЛНИТЕ КРЕВЕТИ ЗА ИЗГОРЕНИЦИ ЧИНАТ МЕЃУ 50.000 И 150.000 ЕВРА ПО ЕДИНИЦА: Колкава инвестиција е Центар за изгореници?
„КАКО СО ЕДЕН ФАЛСИФИКАТ СЕ ОДИ ВО ПРИТВОР, А СО ДРУГ НА ФУНКЦИЈА?“ Професорот Калајџиев прашува
„СКАПАНИОТ СИСТЕМ НЕМА ДА ИСПОРАЧА БЕЗ ГРАЃАНСКИ ПРИТИСОК“: Се огласи и екс министерот за надворешни работи, Никола Димитров
„ИМАВ ТОЛКУ МНОГУ ПРИЈАТЕЛИ ТУКА!“: Десет годишно момче низ солзи пред новинарите, видно револтирано и разочарано одржа лекција за дното кое нашето општество го допре
ПО ПОЖАРОТ: Еве како изгледа објектот каде што била забавата
„ВО ИМЕ НА БОГА ВЕ МОЛАМ, ОСТАВЕТЕ ДА ГИ ЗАКОПАМЕ ТИЕ ДЕЧИЊА“: Еве како свештеник ги смири луѓето што протестираа во Кочани
