Горан Герасимовски за одлуката да се гради зграда до Плоштад Македонија: Се вчудовидов кога ја видов
Објавено во: Македонија 26 Декември, 2021
Градоначалникот на Општина Центар, Горан Герасимовски вели дека откако ја врши градоначалничката функција досега нема издадено ниту една дозвола за градење, но и дека се вчудовидел кога видел дека постои можност за изградба на петкатница на единствената парцела што е останата како парк за станарите кај улиците „Орце Николов“ број 20, „Скопска“, број 15 и „Никола Кљусев“ број 10 на само неколу метри до Плоштад Македонија.
- Одобрението за градба е издадено само на два дена пред примопредавањето на градоначалничката функција. Јас официјално, функцијата од мојот претходник, Саша Богдановиќ ја презедов на 04.11.2021 година, а дозволата за градење е издадена на 02.11.2021 година. Јас дури и се вчудовидов кога ја видов. Граѓаните прашањето треба да го постават на друга адреса, односно објаснување треба да побараат од претходниот градоначалник – изјави Герасимовски за „Вечер Прес“.
Герасимовски додава дека побарал од Секторот за урбанизам при Општината да се види како и зошто се издавани дозволите за градба.