Гордана Јанкулоска побара од полицијата да не и го вознемирува соседството: Јас сум дома, не планирам да бегам
Објавено во: Македонија 19 Септември, 2020
Гордана Јанкулоска од својот стан во ресоротот на „Адора“ на Водно и порача на полицијата да не го опседнува нејзиното соседство, бидејќи како што вели таа, не планира да бега во странство. Наедно објави и фотографија од полициска патрола.
- Нема потреба од спектакли, опсада на зградата во која живеам, вознемирување и претресување на соседите. Ако некој ме бара јас сум дома и на крај памет не ми паѓа некаде да бегам. Ништо не е поскапоцено од секој момент поминат со семејството, напиша поранешната министерка за внатрешни работи на Фејсбук.
Врховниот суд пред два дена и ја одби жалбата на Јанкулоска на пресудата за „Тенк“ и ѝ ја потврди четиригодишната затворска казна. Јавноста верува дека во секој момент таа може да добие упатен акт за издржување на четиригодишната казна затвор за случајот „Тенк“.