ГОТОВО, КРАЈ НА ВОЈНАТА ВО УКРАИНА: Се знае и кога?

Добивај вести на Viber

Кандидатот на новоизбраниот американски претседател Доналд Трамп за функцијата специјален пратеник за Украина, Кит Келог, смета дека конфликтот меѓу Русија и Украина може да се реши во наредните месеци со учество на новата американска администрација.

„Кога станува збор за Украина и Русија, навистина верувам дека тоа ќе биде решено во следните неколку месеци“, изјави Келог за Фокс њуз.

Како што додаде, тој верува дека Трамп е способен да преземе решителни чекори за решавање на меѓународните конфликти.

На прашањето дали новоизбраниот американски претседател може да ги покани лидерите на Русија и Украина во Вашингтон за да постигнат мировен договор, Келог рече дека не ја исклучува таа можност.

Трамп во интервју за магазинот „Тајм“ не сакаше да ги открие деталите од неговиот план за решавање на украинската криза.

Во исто време, тој истакна дека планира да ја искористи помошта за Украина како лост за притисок врз Русија. Новоизбраниот американски претседател Доналд Трамп изјави дека е „многу силно“ против Украина да користи ракети од американско производство за да гаѓа цели на „стотици милји“ подалеку на руска територија.

Ова го изјави магазинот „Тајм“ кој го прогласи Трамп за личност на годината.

„Јас сум многу против испраќање проектили на стотици милји во Русија. Зошто го правиме тоа?

„Ние само ја ескалираме оваа војна и ја влошуваме“, додаде тој.

Новоизбраниот претседател на САД го критикуваше нивото на поддршка што администрацијата на Бајден и ја дава на Украина и навести дека Киев треба да се подготви да ја намали помошта кога ќе ја преземе функцијата во јануари.

Додека во текот на неговата кампања многупати се фалеше дека ќе ја заврши војната во рок од 24 часа, Трамп за „Тајм“ призна дека руската инвазија е уште посложена од ситуацијата на Блискиот Исток.

„Бројот на мртви млади војници кои лежат насекаде низ полињата е запрепастувачки. Лудо е тоа што се случува“, рече тој.

На прашањето дали ќе ја прекине помошта за Украина, Трамп наместо да одговори, рече дека ќе ја искористи американската помош како потпора за да го турне Кремљ на преговарачка маса.

„Сакам да постигнам договор, а единствениот начин на кој ќе постигнете договор е ако не отстапите“, објасни Трамп.

Трамп ќе ја преземе функцијата на 20 јануари, а на кого ја испрати поканата за инаугурацијата прочитајте ТУКА.