Град Скопје денес ги поскапува билетите за ЗОО-паркот
Објавено во: Македонија 21 Мај, 2019
Точка на дневен ред на денешната седница на Град Скопје е поскапувањето на билетот во скопскиот ЗОО-парк од 50 на 80 денари.
Влезот за деца до три години според дневниот ред треба да остане бесплатен. Доколку биде усвоена како одлука на Град Скопје, тогаш новите цени за Зоолошката градина треба да стапат во сила на почетокот на јуни.
Поскапувањето се должи поради зголемените трошоци со проширувањето на содржините и новите животни. Летоска дополнително ќе се доплаќа влезот во паркот на диносауруси, кој ќе чини 50 денари, и во мини зоолошката каде ќе има бебиња животни и посетителите таму ќе треба да платат плус 20 денари.
Лани скопската ЗОО го сруши рекордот по продадени билети со над 9.500 купени влезници во еден ден.