Град Скопје со бизарен услов за субвенции за инвертери
Објавено во: Економија 11 Февруари, 2019
Само граѓаните кои до сега се грееле на печка на дрва, јаглен, нафта или мазут ќе може да добијат субвенции за купување на инвертер клима уред, а за тоа треба да приложат фотографија од стариот уред како доказ, гласи бизарниот услов кој Град Скопје го објави како услов во повикот.
За прв пат се објавува оивик за субвенционирање од страна на градската управа, а тој е дел од мерките за намалување на аерозагадувањето. Град Скопје како буџет има 20 милиони денари на располагање и ќе се доделуваат се додека целосно не се исцрпат. Проценето е дека првите 1.300 баратели ќе ја добијат оваа финансиска помош како поврат на средства.
Наскоро ќе биде распишан повикот за субвенционирање на инвертери и други современи уреди за затоплување, а тие треба да бидат купени од 1 јануари 2019-та. Ќе се отплати половина од вредноста на уредот, но не повеќе од 15.000 денари.
Граѓаните ќе може да аплицираат на јавниот повик од март, а исплатата на средствата ќе се врши по завршувањето на претстојните претседателски избори, посочуваат од Градот.
Условите овде.