Град Скопје во 2022 ќе вработи 109 луѓе на определно
Објавено во: Македонија 24 Декември, 2021
Градоначалничката на Скопје, Данела Арсовска, до Советот на Град Скопје поднесе предлог-одлуката за одобрување финансиски средства за вработување на определено време за 2022 година на 109 луѓе.
Тие треба да покријат различни позиции, преку приватни агенции за вработување за период од една година. Предлагачот како образложение ја наведува потребата од извршување на работи и на слободни или испразнети работни места.
- Еднa од законските можности за нивно пополнување е преку нови вработувања на лица на определено време преку приватни агенции за вработување, на начин, под услови и во постапка предвидена со закон – пишува во образложението.
Трошоците за привремени вработувања за наредната година изнесуваат 42 милиони денари, но тоа, пред се, треба да го прифати Советот.