Добивај вести на Viber
На работниците во градежништвото и во индустријата за градежни материјали им треба бенефициран стаж сметаат од Синдикатот за градежништво, индустрија и проектирање при ССМ. Тие покренаа и иницијатива за ова прашање. За почеток , синдилкалците и работодавачите ќе изработат генерална анализа со која треба да се утврди кои работните места се исклучително тешки за работиците. Потоа, според планот, согласно систематизацијата, целата иницијатива ќе биде приложена до надлежните институции од кои ќе се бара за одредени струки во градежништвото да дозволат бенифициран стаж.
Ова е добро и за работниците и за газдите, посочуваат од синдикатот. Велат дена со бенифицираниот стаж вработените достоинствено ќе одат во пензија, а работодавачите нема да треба да прогласуваат технолошки вишок и ќе имаат помлади работници.
„Без разлика кој трошок на парични средства да биде утврден, важно е дека работниците достоинствено ќе си заминат во пензија и оти работодавачот нема да биде принуден да ги става на листата на технолошки вишок и ќе го поттикне вработувањето на млади кадри. Физички и психички истрошен работник во секторот градежништво и индустрија на градежни материјали не може да дочека 64 години стаж пензија“, појасни претседателот на синдикатот, Павел Трендафилов.
Покрај градежниците, иницијативата ќе важи за околу 3700 работници од индустријата за градежни материјали. Сепак , појаснуваат од синдикатот, на колку години работникот ќе стекне право на бенефициран стаж, односно ќе оди во пензија, би зависело од видот на работата во градежната индустрија.