Градежниците „во лов“ на дозволи додека е укинат Мораториумот
Објавено во: Економија 24 Март, 2019
Градежниците веднаш се зададоа „во лов“ на градежни дозволи за да го искористат периодот од 30 дена додека привремено е укинат Мораториумот за градба на општина центар од Уставен суд се до конечното решение кое се планира за 30 дена.
Во меѓувреме урбанистичкиот план не е променет и тоа им дава за право на градежните компании да продожат да ги вадат дозволите со цел да ги реализираат своите планови и покрај забелешките дека просторот за живеење во најурбанизираната општина станува неподнослив.
МКД објави дека на неколку локации инвеститорите, заедно со геодетите, веднаш излегле на терен за да си ги реализираат планираните градби. Во овој дел од процедурата, во Центар доминираат три фирми -„Билд урбан“, „Ин-пума“ и „Тајфа план“
Јана Белчева, претседателката на Советот на Центар ги посочи бироата за планирање на просторот како виновници за тоа што во меѓувреме не се промениДУП-от по донесениот Мораториум на почетокот од 2017-та кој минатата недела го укина Уставен суд на иницијатива на Градежната комора.
„Три вакви компании работат со години со општината и одбиваат да направат промени врз основа на забелешките од стручната комисија. Тоа се истите планерски куќи кои работеле и претходно, со претходните општински раководства“, изјави Белчева.