Градови со најмногу милионери во светот: Половина од најбогатите доаѓаат од овие земји

Добивај вести на Viber

Њујорк, Токио, Сан Франциско се на самиот врв на листата на градови во кои живеат најмногу милионери. Ова го покажа извештајот на специјализираната консултантска куќа за недвижен имот „Henli&Partners“.

Имено, половина од милионерите од десетте најдобро рангирани градови доаѓаат од Соединетите Американски Држави. Меѓутоа, ако податоците се анализираат повнимателно, Њујорк изгуби 12 отсто од населението со висока нето вредност во првата половина на 2022 година, додека во исто време Сан Франциско и околината забележаа прилив на поединци со висока нето вредност. Лондон, кој е на четвртото место, забележа пад од девет отсто. Тој извештај се однесува на милионери со инвестициски средства од еден милион долари или повеќе, пренесува „Блумберг“.

Главниот град на Саудиска Арабија, Ријад и Шарџа, кој е трет по бројот на население, забележа најголем пораст на бројот на милионери досега оваа година. Ова се податоците на „New World Health“, компанија која се занимава со обработка на податоци за богатството.

Абу Даби и Дубаи, исто така, го следат трендот на зголемување на бројот на милионери по градови, бидејќи Обединетите Арапски Емирати ги привлекуваат најбогатите со својата политика на ниски даноци и имиграциски бенефиции, а приливот на богати Руси секако придонесе за рекордниот број на Обединетите Арапски Емирати.

Шангај и Пекинг се на деветтото и десеттото место во рангирањето на најбогатите градови и го следат трендот на намалување на рекордната загуба на милионери. „Henli&Partners“ оценува дека ваквата надолна траекторија ќе продолжи и дека Кина веднаш по Русија ќе има најголем одлив на богатство.

Фото: unsplash