Граѓани „подигнале“ брзи кредити без да знаат: Жртви на измамници ќе враќаат туѓи пари
Објавено во: Македонија 04 Март, 2021
Им барале фотокопии од лична карта и трансакциска сметка за хуманитарни цели, а податоците ги злоупотребиле за да земаат брзи кредити. Неколку граѓани од Источна Македонија се жртви на измамници преку социјалните мрежи. Во текот на минатиот месец во штипскиот Сектор за внатрешни работи повеќе оштетени граѓани пријавиле дека преку facebook и messinger, одредени лица им ги побарале личните податоци,
- Наведените податоци сторителите ги злоупотребувале за стекнување и добивање брзи кредити од финансиски друштва во Република Северна Македонија, преку електронско аплицирање во име на оштетените граѓани, притоа доведувајќи ги во заблуда дека паричните средства кои по одобрувањето на кредитите легнувале на трансакциски сметки на оштетените и се наводно помош од роднини на сторителите за лекување на болно дете. Паричните средства оштетените сами ги ваделе од нивните сметки и преку посредници им ги давале на сторителите, незнаејќи дека истите потекнуваат од претходно одобрени брзи кредити во нивно име. –изјави Гордана Панајотова, портпарол на свр-Штип, пренесува Сител
На овој начин измамените граѓани станале должници на финансиските друштва, иако парите ги дале на измамниците.