ГРАТИС ПОСЕТА НА НАЈСРЕЌНАТА ЗЕМЈА НА СВЕТОТ: Еве што треба да направите
Објавено во: Свет 22 Март, 2019
Втора година по ред Финска е прогласена за најсреќна држава на светот.
Оваа земја по тој повод им овозможува на луѓето да ја посетат бесплатно.
Заинтересираните треба да снимат кратко видео за својата земја, во кое ќе зборуваат за својата љубов кон природата.
Националната туристичка организација „Посетете ја Финска“ ја лансираше иницијативата „Изнајмете Финец“, осум локални луѓе кои на победниците ќе им служат како „водичи низ среќата“ и ќе им овозможат да ја запознаат земјата преку нејзината природа.
Престојот во Финска ќе биде снимен и ќе биде искористен за промотивни цели.
Посетата на земјата ќе трае три дена и секој може да избере свој термин, а воедно со себе да поведе пријател или член на семејството.
Скандинавските земји ги зазедоа првите четири места на листата на Обединети нации, која опфати 156 држави, па зад Финска се пласираа Данска, Норвешка и Исланд, додека Холандија е петта. Балканските земји вообичаено лошо котираат на оваа ранг листа.
Најнесреќна држава на светот е Јужен Судан, а пред неа се Централноафриканска Република, Авганистан, Танзанија и Руанда.