Грчката граница и понатаму останува затворена за Македонците
Објавено во: Македонија 22 Јануари, 2021
Грчката граница и понатаму останува затворена за македонските граѓани.
Грчките власти ја продолжија забраната за влез на државјани од трети земји, во кои спаѓа и Македонија, до 8 февруари. Јужниот сосед воведува задолжителен седумдневен карантин за сите што ќе влезат во земјата, без разлика на кој начин и од која земја. Ова е предвидено во одлуките за мерките за заштита од коронавирусот кои се во сила до 8 идниот месец. По истекот на седумдневниот карантин, ќе се прави ПЦР-тест и доколку е негативен ќе заврши нивната домашна изолација, а во спротивно карантинот ќе трае 14 дена. За дел од патниците, согласно предвидениот процес според податоците внесени во специјалниот формулар за патување во Грција, ќе се прават и брзи тестови, посебно на оние што пристигнуваат од Велика Британија, за кои се воведени посебни правила.
За сите кои од странство доаѓаат во Грција е задолжителен негативен ПЦР-тест, направен 72 часа пред патувањето.
Пасош кој ќе покажува дали одредени граѓани се вакцинирани против ковид засега нема да се воведува во Европската унија. Овој таканаречен „коронавирус пасош“ кој би им овозможил слободно патување на оние кои се вакцинирани против ковид-19, засега нема да се носи изврзана одлука за ваков пасош.