Грчката национална телевизија: Вербалната нота уште не е пристигната во Скопје
Објавено во: Македонија 12 Февруари, 2019
Досега, владата на Скопје не ја добила вербалната нота од Атина дека пристапниот Протокол за прием на Македонија во НАТО е изгласан во грчкиот парламент, објави грчката национална телевизија ЕРТ.
Заменик-министерот за надворешни работи, Јоргос Катругалос, претходно рече дека актот ќе биде испратен до македонската Влада по завршувањето на изминатиот викенд, односно во понеделникот.
Знамето на НАТО денес беше поставено на платото на македонската Влада заедно со државното. На церемонијата присуствуваа министри, офицери на НАТО во земјата, како и амбасадори на земјите-членки.
Зоран Заев во својот говор три пати го користеше терминот "Република Северна Македонија", објави ЕРТ.