16 Декември, 2018
0.3076
    ALK 8197.71    -1.16%     FERS 67900    0%     GRNT 800.16    -2.3%     KMB 5024.07    -0.79%     MPT 46679.54    -1.73%     MTUR 4900    0%     OHB 6517    -0.43%     OILK 6000    0%     OKTA 4350    0%     RMDEN12 97.3    0.31%     RMDEN15 96.8    -0.41%     RMDEN16 97    0%     SBT 1950    8.22%     SOLN 170    0%     STB 1281.65    -0.63%     TEL 299.58    -0.14%     TNB 14180    -0.14%     TTK 1270    -0.78%     ZLRB 6170    311.33%

Грчки медиум Та неа: Германија и ветила на Грција – ако се реши името, ќе се одложи кратењето на пензиите

Објавено во: Балкан 16 Април, 2018

Низа реакции за она што излезе во грчкиот медиум „Та неа“.

Ако се реши прашањето за името, тогаш антикризната мерка – кратење на пензиите, ќе се одложи за шест месеци подоцна.

 Ова според грчкиот весник „Та неа“ е ветувањето од Берлин до Атина, во разговорите меѓу Германија и Грција за затворање на долгогодишниот спор, но и што грчката страна би добила од тоа.

Како што јави дописничката на МИА од Атина, весникот повикувајќи се на европски извори, пишува дека веќе изгласаната мерка за кратење на пензиите што треба да стапи во сила од 1 јануари 2019, би се одложила за шест месеци подоцна, како германски „подарок“ до Грција, доколку се постигне договор за името. Нешто што би му одело во прилог на Ципрас и на неговите изборни планови.

– Веродостојни европски извори, пренесувајќи ги за „Та неа“ разговорите што во позадина се водат меѓу Атина и Берлин, ги претставуваат Германците дека му ветиле на Алексис Ципрас размена со силна политичка корист за него и за СИРИЗА, во случај да постигне договор за името на Скопје со неговиот колега Зоран Заев. Станува збор за префрлање за шест месеци подоцна на мерката за кратење на пензиите, пишува весникот и додава дека со тоа владата би можела да земе даде длабок здив и ќе му го отвори патот на Ципрас кон распишување избори во мај 2019.

Текстот во „Та неа“, наиде на бура реакции во Грција, како од опозицијата која ја обвини владата за тајни преговори така и од владата која побара сериозност од Нова демократија.

– Владата треба да им ја каже вистината на Грците: преговара тајно решение на скопското прашање за да добие во замена шестмесечно одложување на кратење на пензиите, што е обврска која самата влада ја презеде со нејзината политика.  Да или не? Грците треба да знаат, вели портпаролката на Нова демократија, Марија Спираки.

Од грчкото МНР за грчката новинска агенција АНА-МПА побарале сериозност од портпаролката на опозициската партија, додека пак од кабинетот на Ципрас велат дека се недостојни за коментирање секојдневните „бедни натписи во медиумите“.

Извор: Либертас


Можеби ќе ве интересира

Пола метро снег на Балканот

Пола метро снег на Балканот

Харадинај: Косовската армија е армија на мирот

Харадинај: Косовската армија е армија на мирот

Банско и Боровец ја отворија ски сезоната: Ова се цените на билетите

Банско и Боровец ја отворија ски сезоната: Ова се цените на билетите

Пројде и есента, а се уште има нови жртви од пожарот во Атика

Пројде и есента, а се уште има нови жртви од пожарот во Атика

Каракачанов: Нема да гласам за прием на Македонија во НАТО

Каракачанов: Нема да гласам за прием на Македонија во НАТО

(ВИДЕО) Ја пееше милитантната песна „Славна Македонија“, Ципрас го избрка

(ВИДЕО) Ја пееше милитантната песна „Славна Македонија“, Ципрас го избрка

Бараа, но не добија поништување на Договорот од Преспа

Бараа, но не добија поништување на Договорот од Преспа

(ВИДЕО) Вучиќ: Да се гази и руши Србија е добро

(ВИДЕО) Вучиќ: Да се гази и руши Србија е добро

Србија ја разгледува опцијата за интервенција на Косово

Србија ја разгледува опцијата за интервенција на Косово