Грчки политичар ги советува Грците да го прочитаат Договорот

Добивај вести на Viber

Заменик министерот за надворешни работи на Грција, Јанис Аманатидис ги повика Грците да го прочитаат Договорот и сами да формираат мислење дали тој е добар или не.

Тој во интервју за грчката телевизија „Епсилон“, коментирајќи ги негативните реакции во Грција и протестите пред канцеларии на пратеници, кажа дека оние што протестираат се конкретни, познати и мали групи.

„Сметам дека треба да се објаснуваат детали, затоа што на народот веројатно уште не му е разјаснето што се случува со Договорот. Го повикувам народот да го прочита Договорот за да види дали она што го кажуваме ние, она што го велам јас и за иредентизмот и за малцинството е вклучено во договорот. Можат да го прочитаат и самите да формираат мислење“- вели Аманатидис.

Во однос на содржината на договорот, заменикот на Коѕијас рече дека „е многу добар, не отвора врата за иредентизмот, туку затвора и крева ѕид“.

Според него, Договорот е многу добар и коригира една негативна политика од изминатите години што не направи апсолутно ништо. 

Како што јави дописничката на МИА од Атина,  говорејќи за ставот на политичките партии, Аманатидис кажа дека Движењето за промена, треба одново да ја испита позицијата во однос на Договорот.