ГРЧКО МНР: Бараат Русија да ја почитува чувствителноста на грчкиот народ за употребата на Македонија

Добивај вести на Viber

Грчкото до руското МНР реагираше дека Договорот од Преспа е меѓународно признат модел за решавање на разликите меѓу две независни држави.

Велат дека Договорот од Преспа уште од потпишувањето придонесува во зајакнувањето на мирот и стабилноста на Балканот, воедно е и меѓународно признат модел за решавање на разликите меѓу две независни суверени држави под покровителство на ОН, без мешање на трети страни. Ова стои во реакцијата по соопштението на руското МНР во врска со Договорот од Преспа, јави дописничката на МИА од Атина.

Тие изразуваат уверување дека Русија „ќе ја почитува чувствителноста на грчкиот народ во однос на употребата на името Македонија”, и од сега па натаму за земјата ќе го користи „новото уставно име, односно Северна Македонија”.

И што е најважно, ќе се дистанцираат од слични изјави кои што се мешање во внатрешноста на Грција, велат од грчкото МНР и одговараат и на делот од соопштението од Министерството за надворешни работи на Русија поврзано со внатрешно-политичките случувања во Грција.

Одлуката на Собранието на Македонија, која гласаше за преименување на земјата, се наметнува однадвор и не ја одразува волјата на народот. Ова се наведува во официјалниот став на Министерството за надворешни работи на Руската Федерација соопштен денеска.

Како што стои во соопштението, на 11 јануари парламентот на Македонија гласаше за усвојување на амандманите на Уставот за преименување на земјата во согласност со Преспанскиот договор.