03 Јуни, 2020
0.0337

Грција е на готовс со нови мерки: 66 заболени од коронавирус

Објавено во: Балкан 08 Март, 2020

По вчерашниот одржан состанок на грчкиот премиер Кирјакос Мицотакис со надлежните министри, според најавите, денеска се очекува Министерството за образование на Грција да излезе со соопштение за евентуално затворање на училишта, а паралелно бројот на потврдени случаи на заразени од коронавирусот во земјата се искачи на 66, јави дописничката на МИА од Атина.

Доцна синоќа, откако веќе беше завршен пладневниот состанок во премиерската палата, Министерството за здравство на Грција соопшти дека е потврден 21 нов случај на Ковид-19.

Од 66 лица заразени со новиот коронавирус, 51 случај е поврзан со групата што била на аџилак во Израел и Египет, односно 47 членови на групата и четири нивни контакти.

Во болници во Солун, Атина и Патра, хоспитализирани се 22 лица, а еден заразен со Ковид-19 и понатаму е со сериозна пневмонија згрижен во одделот за интензивна нега во Патра, додека пак 43 се во домашна изолација.

Од новиот 21 случај, 13 се во регионите Ахаис и Илиас, каде што во сила се владините мерки со кои се затворени училиштата, кината, театрите, археолошките музеи, местата за јавни собири и сл, седум се во областа Атика, поширокиот регион на Атина и еден на островот Евија.

Процесот на проверка на контактите на новите случаи, според Министерството за здравство на Грција, е во тек.

Грчкиот премиер Кирјакос Мицотакис, вчера претпладне кога во Грција беа потврдени 45 случаи на новиот коронавирус, одржа состанок со надлежните министри на кој беше оценета ситуацијата во јавното здравје и последиците врз економијата.

Од кабинетот на Мицотакис соопштија дека дополнителните мерки ќе ги објават надлежните министерства.

– Од Министерството за здравство по состанокот на надлежната комисија, ќе се донесе одлука за дополнителни рестриктивни мерки за јавните места за собири. Исто така, ќе се разгледа кога и кои училишни единици треба да прекинат со работа. За училиштата соопштенија ќе има утре. Министерствата за финансии, развој и труд ќе ги конкретизираат и во понеделник, заеднички ќе ги објават мерки во економијата за областите погодени од рестриктивните мерки на владата за да се спречи ширењето на коронавирусот, соопштија вчера од кабинетот на Мицотакис.

На состанокот одржан, учествуваа министри од осум министерства (за финансии, развој, за здравство, труд, образование, за внатрешни работи, туризам и дигитално управување) тројца заменици министри, двајца генерални секретари, претседателот на Националната организација за јавно здравје, како и професорот по епидемиологија и претставникот за Ковид-19 од Министерството за здравство. 


Можеби ќе ве интересира

ХРВАТСКА: Цела куќа со базен може да се изнајми за 114 евра

ХРВАТСКА: Цела куќа со базен може да се изнајми за 114 евра

АВИОН СЛЕТА ВО АТИНА: Од 91 патник, 12 позитивни на коронавирусот

АВИОН СЛЕТА ВО АТИНА: Од 91 патник, 12 позитивни на коронавирусот

ЗЕМЈОТРЕС ВО РОМАНИЈА: Eпицентарот северно од Букурешт

ЗЕМЈОТРЕС ВО РОМАНИЈА: Eпицентарот северно од Букурешт

НОВИ ПРАВИЛА ВО ГРЦИЈА: Дистанца меѓу чадорите и ограничен број на капачи

НОВИ ПРАВИЛА ВО ГРЦИЈА: Дистанца меѓу чадорите и ограничен број на капачи

НЕМААТ НОВ СЛУЧАЈ 28 ДЕНА: Црна Гора го победи вирусот

НЕМААТ НОВ СЛУЧАЈ 28 ДЕНА: Црна Гора го победи вирусот

Бугарија го укина карантинот за граѓаните од Македонија

Бугарија го укина карантинот за граѓаните од Македонија

Италијанците сакаат на одмор во Грција, но Грците не ги примаат

Италијанците сакаат на одмор во Грција, но Грците не ги примаат

Цел Балкан од денеска се отвора, само во Македонија се размислува за враќање на рестрикциите

Цел Балкан од денеска се отвора, само во Македонија се размислува за враќање на рестрикциите

Црна Гора од денеска отвора граници, но Македонија e извадена од листата

Црна Гора од денеска отвора граници, но Македонија e извадена од листата