Грција ја покачува минималната плата, синдикатот го бара стариот „минималец“
Објавено во: Економија 16 Ноември, 2018
Дебатата во Грција за зголемување на минималната плата продолжува да се развива, откако грчката Влада предводена од премиерот Алексис Ципрас најави дека од крајот на јануари 2019 таа ќе се покачи.
Во моментов изнесува 511 евра и е намалена за 32 отсто од 2009-та кога мораше да се превземат такви рестриктивни мерки поради избивањето на грчката должничка и финансиска криза.
Конфедерацијата на синдикати најави дека нема да учествува на дебатата затоа што нејзиниот став е јасен дека треба да се врати старата минимална плата од 751 евра месечно.
Грчкитер индустријалци засега тврдат дека таа треба да се зголемува паралелно со зголемувањето на продуктивноста, односно таа да биде на сметка на социјалните придонеси.