Грција казнета со 200 милиони евра за внесување ултра-евтини и сомнителни кинески производи во Европа
Објавено во: Економија 15 Јануари, 2019
Канцеларијата на ЕУ за борба против корупција (ОЛАФ) издаде парична казна од повеќе од 200 милиони евра за Грција поради тоа што не успеа да спречи ширење на даночната евазија од страна на кинеските криминализирани трговци кои увезуваат ултра евтина стока преку Пиреја, најголемото пристаниште во земјата, објави порталот Политико во понеделникот.
Криминалната мрежа ги избегнува увозните давачки и данокот на додадена вредност за увезените обувки и облека, а потоа овие производи лесно се шират на европскиот пазар.
"ОЛАФ може да потврди дека ја заврши истрагата во врска со сомнителниот увоз на конфекција и чевли во Грција во периодот од 1 јануари 2015 година до 31 мај 2018 година", се цитира потврдата на ОЛАФ за Политико.
"Врз основа на своите наоди, ОЛАФ издаде финансиска препорака до грчката царина за враќање на износ од 202,3 милиони евра за изгубени царински давачки поврзани со измама околу декларираните вредности за таквите производи", додаде тој.
Политико објави дека грчките власти не го коментирале извештајот на ОЛАФ.
Пиреја е дел од кинескиот инфраструктурен проект за трговија со Европа.