ГРЦИЈА НА НОЗЕ, СЕ ШТРАЈКУВА: Откажани летови, градскиот превоз во хаос, во болница само итни случаи
Објавено во: Балкан 17 Мај, 2017
Ширум Грција работниците ги напушија своите работни места стапувајќи во генерален штрајк, за кој се очекува да ја поремети работата на службата во приватниот и јавен сектор.
Работниците протестираат против новите мерки на штедење кои ќе бидат применувани и после завршувањето на третиот ангажман со меѓународните кредитори за финансиски спас на Грција следната година.
Јавните болници работат само со итен персонал, а има и прекини во градскиот превоз.
Контролорите на летови на аеродромите ја запреа работата на четири часа, во средината на денот, што доведе до одложување или откажување на повеќе од 150 летови.
Морнарите започнаа четиридневен штрајк, кој почна во вторникот, а ќе ги остават траектите во пристаништата до петок.
Работниците протестираат против новите мерки на штедње за кој во парламентот ќе се гласа во четврток а вклучлуваат намалување на пензиите и зголемување на данокот.