Грција на потег по ратификацијата на договорот
Објавено во: Балкан 20 Јуни, 2018
Атина веќе денеска или утре да ги извести Доналд Туск од ЕУ и Јeнс Столтенберг од НАТО дека сите препреки за евроатланските интеграции за земјава се отстранети по ратификацијата на договорот од Преспа во Собранието на РМ.
По добивање на известување дека Собранието на Втората страна ја ратификувало оваа Спогодба, Првата страна веднаш:
-ќе го извести Претседателот на Советот на Европската унија дека дава поддршка за почеток на преговори за членство на Втората страна.
-ќе го извести Генералниот секретар на НАТО дека дава поддршка НАТО да ѝ упати покана за пристапување на Втората страна.
Македонија се надева дека веќе во вторник, и покрај тврдиот став на Франција и Холандија и непредвидливоста на Австрија, прво на Европскиот Совет, а по два дена и на Самитот на ЕУ на земјава ќе и биде доделен датум за отпочнување преговори со Унијата. Во однос на НАТО, пак, поканата останува неизвесна. Во договорот јасно стои дека за покана во алијансата е неопходна целосно финализирање на договорот, но генералниот секретар на алијансата Столтенберг остава можност тоа да се случи и на самитот на 11 јули.