ГРЦИТЕ БРЗААТ ДА СЕ ВАКЦИНИРААТ - на првиот ден се пријавиле дури 60.000 граѓани
Објавено во: Балкан 13 Јануари, 2021
Грците сакаат да се вакцинираат против коронавирусот и брзаат тоа да го сторат што побргу. Во понеделникот попладне, кога беше лансирана платформата за закажување термин за вакцинирање во оваа соседна држава против коронавирусот, беа поднесени рекордни 60.000 апликации.
Инаку, досега вкупниот број на вакцинации е 56.232, што значи 0,54 отсто од популацијата.
Според информациите од Министерството за здравство, заклучно со 20 јануари, се пуштаат во употреба првите 144 центри за вакцинација низ целата земја. Овој број постепено ќе се зголемува, согласно програмата Слобода, но исто така и врз основа на бројот на достапни вакцини.
Вакцинацијата против коронавирусот кај населението започнува на 16 јануари.