Груби: Жал ми е за Богоевски и за неговиот близок член од семејството
Објавено во: Македонија 23 Мај, 2019
Пратеникот на ДУИ, Артан Груби ја поздрави одлуката на пратеникот Павле Богоевски денеска да си пондесе оставка од функцијата пратеник во Собранието на РСМ како чин на морална одговорност по објавената аудио-снимка на која може да се слушне како тој нарачува илегална супстанца.
– Изразувам жалење за состојбите на неговиот близок член на семејството и му посакувам брзо оздравување. На Павле му посакувам успех во понатамошните негови активности, изјави Груби.
Пратеникот алудираше на сведочењата на блиски пријатели на Богоевски според кои тој нарачувал масло од канабис за да му ги олесни тешките болки на близок член од семејството. Богоевски денеска рече дека иако тоа го правел со добри намери, сепак го прекршил законот и затоа си поднесе оставка.